प्रधानमन्त्री निवास बालुवाटारमा भएको बैठकमा अविश्वासको प्रस्ताव, संविधान संशोधन, प्रधानमन्त्रीको राजीनामालगायतका विषयमा छलफल भएको जनाइएको छ ।
सो अवसरमा देउवा र दाहालले प्रधानमन्त्रीलाई राजीनामा गरेर मार्गप्रशस्त गर्न आग्रह गरेकोमा प्रधानमन्त्री ओलीले दुबै नेतालाई संवैधानिक व्यवस्था र अहिलेको घटनाक्रमबारे प्रस्ट हुन आग्रह गरेका थिए ।
छलफलपछि सन्चारकर्मीसँग कुरा गर्दै माओवादी अध्यक्ष दाहालले सहमतिबाटै अघि बढ्नुपर्ने भएकाले प्रधानमन्त्रीले नै पहल गर्नुपर्ने बताए ।
प्रधनमन्त्रीका राजनीतिक सल्लाहकार विष्णु रिमालले प्रधानमन्त्रीले देउवा र दाहाललाई राजीनामा र अविश्वासको प्रस्ताव सम्बन्धमा प्रस्ट हुन आग्रह गरिएको र सभामुखको कच्चा गतिविधिले सामान्य सहमतिसमेत भाँडिने खतरा बढेको बताएको जानकारी दिए ।
तीनजना नेताबीच प्रधानमन्त्री निवासको पहिलो तलाको सानो कोठामा छलफल भएको थियो ।
No comments:
Post a Comment